မင်းနဲ့ ငါနဲ့ ရည်းစားမဖြစ်ရင် ဘာလုပ်ကြမှာလဲ..????

သီချင်းတစ်ပုဒ်ကိုကြားဖူးကြမှာပါ
"မင်းနဲ့ ငါနဲ့ရည်းစားဖြစ်ရင် ဘာတွေလုပ်ကြမလဲ"
"မင်းကိုငါက အနမ်းလေးပေးရင် မင်းစိတ်ဆိုးမှလား"

ချစ်သူရည်းစားဖြစ်ကြမယ်ဆိုရင် ဘာတွေလုပ်ကြမလဲဆိုတာ သိပ်တော့ခက်ခဲတဲ့ ပုစ္ဆာတော့မဟုတ်ပါဘူး ။ မူလတန်းကျောင်းသူလေးတစ်
ယောက်ကပြောဘူးတယ် ' ချစ်သူရည်စားဖြစ်ရင်လက်တွဲပြီးေ ပြးကြမှာပေါ့ ' တဲ့။ ရုပ်ရှင်တွေထဲလဲ ဒီလိုပါပဲ ။ နောက်တစ်ယောက်က
' သီချင်းတွေဆိုကြမှပေါ့ ' လို့ပြောတယ် ။ ' ကူလားကားတွေမှဆို၇င်တော့ ချစ်သူတွေကကြတာပေါ့ ' ချစ်ခင်သူတွေဟာ အတူသွား
အတူစား ၊ အမြဲတတွဲတွဲ အခွဲဘဲနေကြတယ်လို့ အနုပညာရှင်များက ဖော်ကျူးကြတယ်။
အရင်ခေတ်က ရုပ်ရှင်ကားတွေက ပျော်ရွှင်မူတွေနဲ့ ဇတ်သိမ်းလေ့ရှိကြတယ် ။ သူတို့ပျော်ရွှင်စွာနေသွားကြလေသတည်း ။ (They live
every happy after )ဆိုပြီးစာတန်းထိုးဇတ်သိမ်းကြတယ်။ လွယ်ကူတဲ့ ကောက်ချက်တွေပဲဖြစ်တယ် ။ ပြဿနာ မဟုတ်ပါဘူး ။

ပြဿနာက ' မင်းနဲ့ ငါရည်းစားမဖြစ်ရင် ဘာတွေလုပ်ကြမလဲ ' ဆိုတာပါပဲ။

ကောင်လေးကကောင်မလေးကိုကြိုက်တယ် ။ ရည်းစားစာပေးတယ် ။စကားလိုက်ပြောတယ်။ လူကြီးတွေကနေချဉ်းကပ်တယ်။
ကောင်မလေးက မကြိုက်ဘူး ။ရည်းစားမဖြစ်ဘူး ။ ဒါဆို ဘာလုပ်မလဲ ။ နောက်ပြဿနာတစ်ခုကိုတင်ပြပါမယ် ။ ကောင်လေးနဲ့ကောင်မလေး ကြိုက်သွားကြတယ် ။ ချစ်သူရည်းစားဖြစ်သွားကြတယ် ။ ဒါပေမဲ့ သူတို့ နှစ်ယောက်သဘောထား မတိုက်
ဆိုင်လို့ ခွာပြဲသွားကြတယ် ။ဒါဆိုရင် ဘာတွေလုပ်ကြမလဲ။

စဉ်းစားကြည့်ရင်လူတိုင်း အတွဲတွေဖြစ်တာမှ မဟုတ်တာဘဲ ။ မိန်းကလေးနဲ့ယောက်ျားလေးတွေ့ဆုံ ကြပေမဲ့ ရည်းစားတွေ ချစ်သူတွေဖြစ်
မလားကြပါဘူး ။ တစ်ယောက်ရဲ့ အချစ်ကိုနောက်တစ်ယောက်က ရာနူန်းပြည့်မျှော်လင့်လိုမရဘူး ။ ရည်းစားဖြစ်လာရင်လည်း ချစ်ခင်
ပေါင်းသင်းကာ လင်မယားဖြစ်လာပါမလား ။ ချစ်တိုင်းမညားကြပါဘူး ။

လင်မယားဖြစ်ရင်လည်း သေတစ်ပန်သက်တစ်ဆုံး မပေါင်းနိုင်ကြဘဲခွဲကြသူတွေ အများကြီးပါပဲ ။ ဆရာသော်တာဆွေရေးခဲ့သလို
' ဆန်ဆုံစား ၊ ကံကုန်သွား ' ဆိုတာရှိတယ်။ ကြုံကြဆုံကြတဲ့အခါ ထမင်းအတူစားကြပေမယ့် ကံမကောင်းအကြောင်းမလှရင် ခွဲ
ရတာတွေလည်း ရှိတယ်လိုဆိုလိုတာပါ ။

ဒါတွေကိုဆန်းစစ်လိုက်ရင် ချစ်သူတွေလဲ ကံဆုံရင်ဆုံမယ်။ မဆုံချင်လည်း မဆုံဘူး။ ဒီတော့ ချစ်ကြတဲ့အထိမရောက်ဘဲ ဇတ်သိမ်းသွားရတာတွေရှိသလို ချစ်ကြပြီးမှလဲ ခွဲခွာသွားရတာတွေရှိပါတယ် ။ လင်နဲ့မယားဆိုတဲ့ ရာသက်ပန်ရိုးမြေကျ ပေါင်းရပါစေ
ဆုတောင်းပေမယ့်လည်း ကွဲကြတဲ့သူတွေရှိတယ် ။
ဒါကြောင့် " မင်းနဲ့ငါနဲ့ရည်းစားမဖြစ်ရင် ဘာတွေလုပ်ကြမလဲ " ဆိုတာစဉ်းစားဖို့လိုတယ် ။ ရည်းစားနဲ့ ကွဲတဲ့လူတွေကို တွေ့ဖူးပါတယ်။
" အသေသတ်ချင်တယ် " တဲ့
" သူ့မျက်နှာမကြည့်ချင်ဘူး "
" လူယုတ်မာ" လိုပြောတာတွေတောင်ရှိသေးတယ် ။

ရည်းစားတွေကွဲသွားရင် သူတို့မုန်းသွားကြတယ်လို့ပြော တယ် ။ ဘာကြောင့်တစ်ချိန်ကအင်မတန်ချစ်တဲ့သူတွေဟာ မုန်းသွားကြတာလဲ
လောကမှာ မချစ်ရင်မုန်းရရောလား။အချစ်နဲ့အမုန်းဆိုတာအစွန်းနှစ်ဖက်မှတည်နေတာပါ။ သူတို့ကြားမှာအကန့်ကန့်တွေအများကြီး
ရှိမှာပါ ။ချစ်သူနှစ်ဦးကွဲကွာ(ခွဲခွာ)သွားကြတာနဲ့ပဲ သူတို့နှစ်ယောက်ဟာ တစ်ယောက်မျက်နှာတစ်ယောက် မကြည့်နိူင်ကြတာ တကယ်
တော့သဘာဝမကျပါဘူး။ ကျွန်တော်ဆိုလိုတာဒါမျိုးမဖြစ်သင့်ဘူးလို့ပါပဲ။

ဒါနဲ့ပတ်သက်ပြီးမိတ်ဆွေတစ်ယောက် ကို ဆွေနွေးဖူးတယ် ။
" တစ်ယောက်နဲ့တစ်ယောက် ချစ်တာသဘာဝကျတယ် ။ ခွဲခွာသွားတာလည်း သဘာဝကျတယ်။ ဒါပေမဲ့ ခွဲခွာသွားတိုင်း မုန်းသွားတာကို
တော့ သဘာဝမကျဘူး လို့ ကျွန်တော်ယူဆတယ်"
သူက " ဒါက ခံစားမူတွေပါပဲ ။အချစ်ကြီး၇င်အမျက်ကြီးတယ်ဆိုတာ ခင်ဗျား ကြားဖူးမှာပေါ့ " ကျွန်တော်ခေါင်းညိတ်လိုက်တယ်။
ခင်ဗျာစဉ်းစားကြည့်စမ်း ချစ်သူတွေသာမုန်းကြတာ အတူနေသူတွေသာရန်သူဖြစ်တာ သတိထားမိရဲ့လား။ တစ်ခါမှ မတွေ့ဆုံဘူး
တဲ့သူကို ဘယ်သူကမှ မမုန်းဘူး ။ကိုယ့်မိတ်ဆွေတွေ၊ ကိုယ့်ဆွေမျိုးတွေ၊ ကိုယ့်သားမယားတွေ ဒါမှမဟုတ် ချစ်သူတွေအကြားမှပေါ့လေ ။
ဒီလိုတွေမှပဲ အချစ်တွေရှိသလို အမုန်းတွေလဲရှိတာကိုတွေရမယ် ။

"ဟုတ်ပါတယ်"
"ခင်ဗျား တစ်ခါမှ မချစ်ဖူးတဲ့လူတစ်ယောက် ၊ တစ်ခါမှ မခင်ဘူးတဲ့သူတစ်ယောက်ကို ခင်ဗျား ဘယ်လိုမုန်းမလဲ "
' အင်းကျွန်တော်လည်း ဒါကိုပဲ စဉ်းစားနေတာပါ ၊" မိဘက သားသမိးကိုချစ်တယ်လေ " ဟုတ်တယ် ချစ်တယ်ဆိုတာ အကျိုးလိုလားခြင်း
ပဲ " မိဘဆိုတာ သားသမိးရဲ့ အကျိုးကို လိုလားမှပေါ့ ။ ဒါပေမဲ့ ဒီသားသမီးက မဟုတ်တာတစ်စုံတစ်ခုလုပ်ရင် အမုန်းကြီးမုန်းကာ
အမွေပြတ်ကြေညာတဲ့အထိ ဖြစ်တာတွေရှိတယ် ။
"မိဘနဲ့သားသမီးကြားမှာတောင် ဒီလိုဖြစ်ရင် ကွဲကွာကြတဲ့ချစ်သူတွေက ပိုဆိုးတော့မှပေါ့ " ဒါပေမဲ့ ကျွန်တော်တုိ့ မစဉ်းစားကြလိုပါ ။
တစ်ချိန်က အသက်တမျှချစ်ခင်သူတွေဟာ နောက်ရော ဘာလို့ မိတ်ဆွေလို မချစ်ခင်နိုင်ရတာလဲ ။

အတူသွား ၊ အတူစား အတူလာခဲ့တယ် ။

အနစ်နာခံခဲ့တယ် ။

အဆင်မပြေလို့ လမ်းခွဲတာခွဲပေါ့ ။

ဘာလို့အမုန်းတွေပွားကြတာလဲ ။

"ကျွှန်တော်တို့ မရင့်ကျက်သေးလို့ပေါ့လို့ "မိတ်ဆွေက ပြောတာပါ။
သူက တရားဓမ္မဘက်ကပြောတာလား ။ လူသားသဘာဝကိုပြောတာလား။ ကျွန်တော်သေသေချာချာ မသိပါ ။ လူသားတွေရဲ့ အတွေး
အခေါ်မြင့်မားလာတဲ့ အခါ အမုန်းတွေကို မတည်ဆောက်ကြတော့ဘူး ။မေတ္တာကိုသာ တည်ဆောက်ကြမယ်လို့ပညာရှင်တွေကဆိုတယ်။
ဘာကြောင့်လည်းဆိုတော့ အမုန်းသည် လူသားအကျိုးစိးပွားကို ပျက်စီးစေလို့ပါပဲ။

လူဆိုတာ တစ်ယောက်တည်း အထီးကျန်နေလို့မရပါဘူး ။ လူတစ်ယောက်ရဲ့စားဝတ်နေရေးအားလုံးဟာ တစ်ဖက်သားကို မှီခိူ
နေရတာချည်းပါပဲ ။ဒါကြောင့် လူသားတွေချစ်ခင်ကြလေ( ရန်သူမဖြစ်၊ မိတ်ဆွေသာဖြစ်ကြလေ) အကျိုးစီးပွားဖြစ်ထွန်းလေပါပဲ။ "ကျွန်တော်က လမ်းခွဲမှ မျက်ရည်မကျစတမ်းဆိုတာကိုပဲ သဘောကျတယ်လို့ " မိတ်ဆွေကပြောတယ်။

သူပြောပေမယ့် လူတွေရဲ့ခံစားမူ ၊ စိတ်လူပ်ရှားလွယ်မူ ( Emotion) တွေက လူကိုနာကြည်းစေတယ် ။ ဘာလိုဖြစ်ဖြစ်ဟန်ဆောင်
တာလေးပဲဖြစ်ဖြစ် အမုန်းမပွားတာအကောင်းဆုံးပါပဲ ။

လောကမှာ ဆုံကြတာတွေ အများကြီး ။ ကွဲကြတာ အများကြီး ။ ပုံပြင်တွေလည်း အများကြီးပါပဲ ။
တစ်ယောက်နဲ့တစ်ယောက်ချစ်ခင်ကြင် နာတာကောင်းပါတယ် ။
မင်းနဲ့ ငါနဲ့ ရည်းစားမဖြစ်ရင်ရော။ ဘာတွေလုပ်မလဲ။
ဘာပဲလုပ်လုပ် အမုန်းမပွားဖို့သာ အရေးကြီးပါတယ် ။
တကယ်တော့ လောကမှာချစ်မေတ္တာထားစရာတွေ အများကြီးပါပဲ ။
မမုန်းပါနဲ့ ၊ ရန်မဖြစ်ပါနဲ့ ၊ ချစ်ကြပါ ။( Do not make war, Make Love .)



( ဒေါက်တာခင်မောင်ညို ရဲ့ ဆောင်းပါးလေးကိုမျှဝေပေးတာဖြစ် ပါတယ် )